kashchana mahaaraajaH aasiit|  tasya raajabhavane kashchana vaanaraH aasiit|  saH vaanaraH mahaaraajasya atiiva vishvaasapaatram anucharaH|  ataH tasya raaja bhavane sarvatra api praveshaH aasiit| 

ekadaa mahaaraajaH antaHpure nidrAm kurvan aasiit|  tadaa vaanaraH tatra aagatavaan|  saH nidrA~Ngatasya mahaaraajasya samiipam gatvaa vyajanena viijanaM kartum aarabdhavaan|

atraantare mahaaraajasya vakShassthale ekaa makShikaa upaviShTaa|  vaanaraH vyajanena taam duuriikartum punaH punaH prayatnam kR^itavaan|  tathaapi makShikaa tataH duuram na gataa|  tadaa saH svabhaavachapalaH muurkhaH vaanaraH kupitaH san tiikShNam kha~Ngam gR^ihiitvaa tasyaaH upari prahaaram kR6itavaan|  makShikaa uDDiiya tataH gataa|  kha~NgaprahaareNa mahaaraajasya vakShassthalam dvidhaa jaatam|  tena mahaaraajaH mR^itaH abhavat|

(pa~nchatantrakathaaH, niruupakaH: vishvaasaH,  Samskrita Bharati, Bangalore)